سناريات

ثقافي

من أقوال الشيخ فرح ود تكتوك


من اقوال الشيخ فرح ود تكتوك
من قبيلة البطاحيين
شرق سنار

يقول رحمه الله
عن النسوان
قال فيهم حريم
وفيهم رميم
وفيهم دهب مخزون قديم
وفيهم عقارب ساكنات هشيم
وفيهم هفوت وفيهم لفوت
كان جيت من الخلاء
تجيك من البيوت
لا تديك مقود
ولا تخلى كلمتك تفوت

عزت النفس
ويقول عن العفاف
وعزت النفس
فى الخريف كتر حشيشك
وفى الصيف كتر طشيشك
كان ختيت خمارة دريشك
المهانة والدنائة ابتعيشك


فى تعاليمه للدين
بدون مرتب من الحكومات
او المصالح العامة
قال
ياواقفا على ابواب السلاطين
ارفق بنفسك من هم وتحزين
مالى ازل لمخلوق واسأله
فاذا سألت الذى اعطاه يعطينى
يامن رزقه بين الكاف والنون


قصيدة عن الغمارنة
وتراثهم

قال من قمنا ونشأنا

اولاد ملك وادارة
والجات فى البلد فينا ماها خسارة
كان جابت حلو بنقسمو بالمحارة
وان جابت خسام او لطام
تيران وما بننضارة
الزول كان عزيز
اصلا عزيز فى داره
واحسن يمشى بالدرب المشوه كباره
يا حليلهم ملاك صقايع الفودة
وتيران اللطام الوصلوه هلودا
انصموا الجميع ما انفلوا فى المقدودة
ونقوها البلد من الوسخ والبودة


ياست الديار انتى عندى عزيزة
بهواك الجميع من وقتك التلميذة
وفى ربوعك سكنا وباقية لينا ركيزة
واللقمة البراك بنضوقها ماها لذيذة
يا حليلك قبيل قبال تضوقى المآسى
وكان فيك الحريق ما انجر فيك دكاسى


الحلمنتيشى
محمد سعيد

يا ام العول جدادك يكاكى
والزكمة ماسكاكى
كان جى نكير لكاكى
يخلى ملاح للباكى

جبل موية ام كراكير
واحديين بحشوا بأيديهم
وواحديين بالبوابير
الا نحن الخمول حارسين التوابير
البتريقا لينا يلوكا نكير


الحواشات
ناس جبل موية فى الدرت
لا سآليننا ولا سالينكم
ومن تجى سلفية القطن يزيد جنكم
امشوا
امشوا القطن
لورى مننا ولورى منكم
الليلة مدير الغيط
جاهم متل السائح
وسلفية فى القطن والفحم
انا عارفها كلها فضايح
الجى يلمهم عمى وكسائح
ويخلوا الدار كلبها يصايح



الحرامية
فى حلة االاعور
محل شراب

انا فى الاعور اتمسيت
وعترت ما سميت
الفونى يا اهل البيت

ثعالب الدندر
عزم ثعلب جبل موية
قال ليهو ياخى ارح معانا الدندر
تاكل واقف ما بدنقر
مالك ومال ام جاويق
وجمام صنقر
قال ليهو انت فى دى؟
ولا قاموا لينا عرب اسمهم النجامة
الصيف بالكلب والخريف بالكجامة
باب الفتنة كلها واحد من تاما


الغرام زمان
عبد الرسول الشيخ

عينيك متل الصاد
منيشنات القلب ببندق القصاد
كتفا منهدل حاكمنو بالفصاد
من العين حوى فى الصيى
يبالفو الصاد
قال الليلة الغرام سكت حديد سواها
ونيران من جهن ولعها وسواها
الناس التلومنى المابتخاف مولاها
بالليل والنهار الغمدة ما بلقاها

الليلة القطر
من كوستى العصر

جاهو المخزن قادوا
نط الكبرى فوق المواعيد زادوا
وفى ربك انتظر نزلوا الاحبة اتنادوا
من جبل الدود نتر كافر عنيد حدادو
من جبل الدود نتر ناس موية سمعوا رعيدوا
والسواق قسم نص ساعة قط ما ازيدوا
فى سنار وصل قاليهو المفتش زيدوا


من سنار والناظر ادى اخبار
والصنفور فتح فوق المحطة مرار
يا قطر السواد للغضيب طفار
فى مدنى الوصول الساعة تسعة نهار
من مدنى انكتح وقل نوم عينيا
ورثنى الاسف احييييييييييييي فوق احيييييييييييييي
فى السخاء والرخاء ود لميض تشرف بيى

من اقوال الشيخ فرح ود تكتوك
من قبيلة البطاحيين
شرق سنار

يقول رحمه الله
عن النسوان
قال فيهم حريم
وفيهم رميم
وفيهم دهب مخزون قديم
وفيهم عقارب ساكنات هشيم
وفيهم هفوت وفيهم لفوت
كان جيت من الخلاء
تجيك من البيوت
لا تديك مقود
ولا تخلى كلمتك تفوت

عزت النفس
ويقول عن العفاف
وعزت النفس
فى الخريف كتر حشيشك
وفى الصيف كتر طشيشك
كان ختيت خمارة دريشك
المهانة والدنائة ابتعيشك


فى تعاليمه للدين
بدون مرتب من الحكومات
او المصالح العامة
قال
ياواقفا على ابواب السلاطين
ارفق بنفسك من هم وتحزين
مالى ازل لمخلوق واسأله
فاذا سألت الذى اعطاه يعطينى
يامن رزقه بين الكاف والنون


قصيدة عن الغمارنة
وتراثهم

قال من قمنا ونشأنا

اولاد ملك وادارة
والجات فى البلد فينا ماها خسارة
كان جابت حلو بنقسمو بالمحارة
وان جابت خسام او لطام
تيران وما بننضارة
الزول كان عزيز
اصلا عزيز فى داره
واحسن يمشى بالدرب المشوه كباره
يا حليلهم ملاك صقايع الفودة
وتيران اللطام الوصلوه هلودا
انصموا الجميع ما انفلوا فى المقدودة
ونقوها البلد من الوسخ والبودة


ياست الديار انتى عندى عزيزة
بهواك الجميع من وقتك التلميذة
وفى ربوعك سكنا وباقية لينا ركيزة
واللقمة البراك بنضوقها ماها لذيذة
يا حليلك قبيل قبال تضوقى المآسى
وكان فيك الحريق ما انجر فيك دكاسى


الحلمنتيشى
محمد سعيد

يا ام العول جدادك يكاكى
والزكمة ماسكاكى
كان جى نكير لكاكى
يخلى ملاح للباكى

جبل موية ام كراكير
واحديين بحشوا بأيديهم
وواحديين بالبوابير
الا نحن الخمول حارسين التوابير
البتريقا لينا يلوكا نكير


الحواشات
ناس جبل موية فى الدرت
لا سآليننا ولا سالينكم
ومن تجى سلفية القطن يزيد جنكم
امشوا
امشوا القطن
لورى مننا ولورى منكم
الليلة مدير الغيط
جاهم متل السائح
وسلفية فى القطن والفحم
انا عارفها كلها فضايح
الجى يلمهم عمى وكسائح
ويخلوا الدار كلبها يصايح



الحرامية
فى حلة االاعور
محل شراب

انا فى الاعور اتمسيت
وعترت ما سميت
الفونى يا اهل البيت

ثعالب الدندر
عزم ثعلب جبل موية
قال ليهو ياخى ارح معانا الدندر
تاكل واقف ما بدنقر
مالك ومال ام جاويق
وجمام صنقر
قال ليهو انت فى دى؟
ولا قاموا لينا عرب اسمهم النجامة
الصيف بالكلب والخريف بالكجامة
باب الفتنة كلها واحد من تاما


الغرام زمان
عبد الرسول الشيخ

عينيك متل الصاد
منيشنات القلب ببندق القصاد
كتفا منهدل حاكمنو بالفصاد
من العين حوى فى الصيى
يبالفو الصاد
قال الليلة الغرام سكت حديد سواها
ونيران من جهن ولعها وسواها
الناس التلومنى المابتخاف مولاها
بالليل والنهار الغمدة ما بلقاها

الليلة القطر
من كوستى العصر

جاهو المخزن قادوا
نط الكبرى فوق المواعيد زادوا
وفى ربك انتظر نزلوا الاحبة اتنادوا
من جبل الدود نتر كافر عنيد حدادو
من جبل الدود نتر ناس موية سمعوا رعيدوا
والسواق قسم نص ساعة قط ما ازيدوا
فى سنار وصل قاليهو المفتش زيدوا


من سنار والناظر ادى اخبار
والصنفور فتح فوق المحطة مرار
يا قطر السواد للغضيب طفار
فى مدنى الوصول الساعة تسعة نهار
من مدنى انكتح وقل نوم عينيا
ورثنى الاسف احييييييييييييي فوق احيييييييييييييي
فى السخاء والرخاء ود لميض تشرف بيى



Add a Comment